話說政府早兩日煞停籃球賭博，主要原因就係瀨落「預測市場」，博客其實都唔知咩係預測市場，所以走去上網睇，搵到個網站叫「Polymarket」，唔玩由自可，一玩真係不得之了。

　　其實「Polymarket」等於另一個「線上賭場」，真係咩都有得賭，重點係用信用卡、或者加密貨幣入錢就得，極度方便；博客之前見自己銀包仲有0.05個BNB幣，就走去入小小玩。

　　咁入面有咩可以賭呢？除左有足球、籃球之外，仲有電競、政治事件可以玩，更可以賭呢個月聯儲局加息幾多%，可以賭特朗普係會議上講過咩，可以賭香港天氣今日最高幾多度都得！

　　哇，真係咩都可以賭，唔怪得政府要煞停，博客只係走去賭「比特幣五分鐘上落」，個種心跳感同埋刺激感，真係好容易上頭；因為我眼見好多比賽賠率都係即時調整，入一球就上落一次，個種賭博心態好容易令人沉淪。

　　有陰謀輪講，政府煞停籃球賭博，因為馬會開籃球盤口，係間接幫Polymarket做「免費勞工」；而Polymarket強調自己並非賭場，而係提供合約交易，不過呢種講法未必真係有用，據報多個國家已經封鎖左Polymarket呢個網站。

　　係香港，Polymarket目前處於灰色地帶，並非犯法亦非合法，但如果想賭，已經可以入錢，出金就拎加密貨幣比較方便，剛好香港想做加密貨幣重點都市，如果被扯上同賭博有關係，可能令形象受損，或者呢個先係主要原因。
　
《編者按》本欄搜羅即市傳聞，惟消息未經證實，《經濟通》亦不保證內容之準確性。

【你點睇？】有傳怡和擬收購百佳超市並與惠康合併。你認為合併最終有否可能實現？你認為是否有需要透過合併超前整合應對市場競爭加劇？ ► 立即投票