著數｜今期最新5大至筍優惠！麥當勞App限時搶魚柳飽、麥旋風優惠券！一粥麵$28食粥+炒麵！大快活邊晚全單9折？便利店零食飲品雪糕優惠

著數速遞

TEXT:Louise Yuen

05/09/2024

　　踏入 9 月，不少連鎖快餐店、便利店都推出新優惠，像麥當勞 App 內可限時搶魚柳飽、麥旋風優惠券，KFC 芝心火腿脆卷買一送一，以優惠價買六件雞、家鄉雞腿包、超值三人餐等。大快活同樣是不同時段各有優惠，最吸引是星期一晚全單 9 折！便利店也有零食、飲品、雪糕優惠。

麥當勞︰入App搶麥麥勁賞優惠！優惠券限時4選1

　　麥當勞的「麥麥勁賞優惠」又登場！由即日起至 9 月 8 日，於麥當勞 App 的活動頁面揀選一張心水優惠券，由下星期 9 月 9 日至 13 日便可使用了。今期優惠包括$29 原味麥炸雞 2 件及飲品、$36 雙層芝士孖堡及飲品配一款小食、$36 雙層魚柳飽及飲品配一款小食，以及 $12 藍莓麥旋風或 Oreo 麥旋風。

　　除此之外，麥當勞 App 還有不同的優惠券，每週總值超過 $200，像新推出的煙肉脆爆雞腿飽套餐，用 App 內優惠券即減 $3；韓式甜辣麥炸雞套餐則由 $49.5 起減至 $39。至於日前 Hit 爆的楓糖班戟豬柳蛋漢堡超值早晨套餐也可減至 $36.5 起，撳入 App 睇更多優惠券吧。

麥當勞App優惠券詳情按此

下一頁︰大快活日日有賞！$29歎早餐、$38雙餸碗、星期一晚全單9 折

大快活︰9月日日有優惠！$29歎早餐、$38雙餸碗、星期一晚全單9 折

　　大快活今個 9 月推出一系列至抵優惠，早、午、晚餐時段都有份！一日之計在於晨，由即日起星期一至五早市時段（上午 11 時前）只需以優惠價 $29便能食到「超抵食早餐」，煙囱熱狗卷配火腿湯通粉，加一杯自選熱飲，為早上提供所需能量！午市時段則有健康美味的「爆抵雙餸碗配凍綠茶」，包括京都肉排、瑞士雞中翼、香煎粟米馬蹄肉餅、魚香肉絲茄子及菜脯炒蛋肉燥等，每日8款不同菜式，任你拼配出心水雙餸碗也不過 $38，另加 $1 更送一杯凍綠茶。

　　大快活逢星期一晚市（下午 5 時半起）更推出 9 折優惠，無論是中式小菜、西式鐵板或是其他亞洲美食，埋單統統 9 折。值得一提，每日下午 3 時起，店內會供應 $49 原隻貴妃雞，以上湯浸熟，雞肉鮮嫩多肉，加餸一流。

詳情︰www.fairwood.com.hk/articles/45

下一頁︰KFC一連兩周「肯！抵DEAL」優惠！芝心火腿脆卷買一送一、$50六件雞

KFC︰一連兩周「肯！抵DEAL」優惠！芝心火腿脆卷買一送一、$50六件雞

　　KFC 將於 9 月 5 日至 9 月 18 日期間，一連兩星期特別推出「肯！抵DEAL」優惠，第一週包括早餐時段「芝心火腿脆卷」買一送一，以及「$50六件雞」優惠；而第二週優惠則有「$109三人套餐」、「$25家鄉雞腿包配汽水（中）」及「$25巴辣雞腿包配汽水（中）」，大家可以至抵價錢享受滋味炸雞。數量有限，售完即止。

第一週（9月5日至9月11日）

　　● 上午11點前︰芝心火腿脆卷買一送一（優惠價：$16、$5 加配中汽水）

　　● 上午11點後︰$50 六件雞（家鄉雞／香辣脆雞／狂惹香燒雞）

第二週（9月12日至9月18日）

　　● 上午11點後︰超值三人餐（優惠價：$109，包括 6 件雞、2 客辣汁蘑菇香飯、客家鄉雞皇飯、3 件經典葡撻、1 客粗薯條、3 杯中汽水

　　● 上午11點後︰家鄉雞腿包配中汽水（優惠價：$25）

　　● 上午11點後︰巴辣雞腿包配中汽水（優惠價：$25）

下一頁︰零食飲品雪糕優惠！維他保鮮奶$10／2件、卡樂B大薯片$15.9

OK便利店︰零食飲品雪糕優惠！維他保鮮奶$10／2件、卡樂B大薯片減至$15.9

　　OK便利店今期也推出零食、飲品及雪糕激筍優惠，包括 $10 兩件維他保鮮奶、$10 兩件維他無添加糖豆奶／氣泡茶／黑加侖子汁／芒果汁／豆奶、$16 兩件三得利烏龍茶／茉梨烏龍茶，另外不同口味的卡樂 B 薯片 105 克也減至 $15.9 等。至於雪糕，能得利雪糕 $10／2件、韓國 SEOJU 雪條／唧唧冰棒也是 $16／2件。